मोठी बातमी! जिल्हा परिषद व पंचायत समित्यांसाठी 7 फेब्रुवारीला मतदान तर 9 फेब्रुवारीला मतमोजणी

Zilla Parishad Election :  उपमुख्यमंत्री अजित पवार यांच्या निधनामुळे राज्यात तीन दिवसांचा दुखवटा जाहीर करण्यात आला असल्यामुळे राज्य निवडणूक

Zilla Parishad Election :  उपमुख्यमंत्री अजित पवार यांच्या निधनामुळे राज्यात तीन दिवसांचा दुखवटा जाहीर करण्यात आला असल्यामुळे राज्य निवडणूक आयोगाने मोठा निर्णय घेत 12 जिल्हा परिषदा व 125 पंचायत समित्यांच्या निवडणुकांच्या तारखा बदल्या आहेत. राज्य निवडणूक आयोगाने दिलेल्या माहितीनुसार, 12 जिल्हा परिषद आणि 125 पंचायत समितीच्या निवडणुकांसाठी 7 फेब्रुवारी रोजी मतदार होणार असून 9 फेब्रुवारी रोजी निकाल जाहीर करण्यात येणार आहे. यापूर्वी 5 फेब्रुवारी रोजी मतदार तर 7 फेब्रुवारी रोजी निकाल जाहीर करण्यात येणार होता.

राज्य निवडणूक आयोगाने या जिल्हा परिषदा (Zilla Parishad Election) व पंचायत समित्यांच्या निवडणुकांसाठी 13 जानेवारी 2026 रोजी निवडणूक कार्यक्रम जाहीर केला होता. त्यानुसार नामनिर्देशनपत्र दाखल करणे, नामनिर्देशनपत्र मागे घेणे, चिन्ह वाटप आणि निवडणूक लढविणाऱ्या अंतिम उमेदवारांची यादी प्रसिद्ध करणे इत्यादी टप्प्यांच्यी प्रक्रिया पूर्ण झाली आहे. त्यापुढील मतदान, मतमोजणी आणि निवडून आलेल्या सदस्यांची नावे राजपत्रात प्रसिद्ध करणे हे टप्पे शिल्लक आहेत.

सर्वोच्च न्यायालयाने (Supreme Court) या निवडणुकांसाठी 31 जानेवारी 2026 च्या पुढे फक्त दोन आठवड्यांची मुदत वाढ दिली आहे परंतु उपमुख्यमंत्री अजित पवार (Ajit Pawar) यांचे 28 जानेवारी 2026 रोजी अपघाती निधन झाल्यामुळे राज्य शासनाने राज्यात 28 जानेवारी 2026 ते 30 जानेवारी 2026 पर्यंत दुखवटा जाहीर केला आहे. या कालावधीचा विचार करून जिल्हा परिषदा व पंचायत समित्यांच्या (Panchayat Samitis) निवडणुकांच्या कार्यक्रमातील उर्वरित टप्प्यांमध्ये बदल करण्यात आले आहेत.

त्यानुसार संबंधित जिल्हाधिकारी सुधारित निवडणूक कार्यक्रमाची सूचना 31 जानेवारी 2026 रोजी प्रसिद्ध करतील. आता 7 फेब्रुवारी 2026 रोजी सकाळी 7.30 ते सायंकाळी 5.30 या वेळेत मतदान होईल. त्यामुळे जाहीर प्रचाराची समाप्ती 5 फेब्रुवारी 2026 रोजी रात्री 10 वाजता होईल.

12 डिसेंबरलाच दोन्ही राष्ट्रवादी एकत्र याव्यात हीच दादांची इच्छा होती, पण..; अंकुश काकडेंचा गौप्यस्फोट

संबंधित ठिकाणी 9 फेब्रुवारी 2026 रोजी सकाळी 10 वाजता मतमोजणी सुरु होईल. निकाल जाहीर झाल्यानंतर संबंधित ठिकाणची आचारसंहिता संपुष्टात येईल. निवडून आलेल्या सदस्यांची नावे शासन राजपत्रात 11 फेब्रुवारी 2026 पर्यंत प्रसिद्ध केली जातील.

संबंधित बातम्या